Tuvimos el finde pasáu en Xedré. Belén Antón y Chos los compañeros de viaxe. Una selmana enantes ensayaba con Belén nel salón de la so casa. Coyí d’un artu una flor, Al pasar per el puertu o Yendo camín de La Pola, yeren dellos cantares. A 23 quilómetros de Cangas (Narcea) na Casa Funsiquín sonaron ente’l folroc de les versiones de B. Dylan.

La nueche bayurosa del oeste, enllena de xela y xirada, dexónos dos hores d’alcuentru ente músiques y formes qu’a naide nunca nun se-y ocurrió pensar que podíen mecese xuntes, nuna nueche tan fría, con tantu calor.

Al alborecer perdí de vista les coses que llenaben l’habitación y a les dos menos cuarto reconocí l’armariu contra’l que me diera un cabezazu.

Esperaba’l menú: Fideua de mariscu. Cachopu de xata roxa. Xeláu de limón y castañes. Café de pota. Facéime casu, pasa-y per ellí.

Esta ye la vista dende’l comedor de Casa Funsiquín

 

 

 

 

 

 

Esti ye un avance de la portada del primer discu recopilatoriu qu’edito en tola mio historia como cantautor.

Hay dos cares, A y B, anque físicamente nun esista nada más qu’una, esto ye asina pola diferencia qu’hai ente les 18 grabaciones qu’aparecen nesta edición. Les 9 primeres, de la cara A, tan grabaes en directo con Ángel Miguel, mirándonos les cares, nel estudiu de Sergio Rodríguez, TUTU. Estes versiones son totalmente acústiques y son lo más asemeyao a un conciertu en vivo. Tocamos guitarres, mandolina, dobro, armóniques y por supuesto la mio voz y los coros d’Ángel.

Les 9 de la cara B, son nelles mesmes 9 cares B, una esbilla d’esos cantares que quedaron perdíos pelos discos ensin volvese a tocar enxamás. Quixi rescatalos de la mugre’l tiempu y da-yos otra oportunidá.

Ya sé que pa los que ya tienen dalgún de los mios CDs puede parece-yos un refritu ensín novedaes, anque reinventar les canciones (adaptar estructures, armonía, tempo, etc.) seya otra vuelta de tuerca que m’apetecía da-y, tamién pensé en tola xente que nun conoz más que l’últimu discu «DCBDNAS» versiones de B. Dylan n’asturianu o dalguna canción suelta d’tros CDs o inclusive solo saben d’un nome que-yos suena d’oyir falar d’él.

D’otra miente, interesábame qu’el discu valiera tamién como muestra d’un conciertu en directo pa mandar a festivales, teatros, sales de conciertos y programadores culturales, pa poder facer lo que más nos presta: TOCAR.

¿Qué ye, la tercera o la cuarta? Nun sé, pero nun ye la primer vez que facemos conciertu l’aniversariu del café de la familia García.

Presentamos «Nueche d’insomniu» CD Llibru con Julio Gilsanz, otra vegada foi con Jorge Otero y tola banda, y un añu que salía Noe nel cartel, como si fuera una neña mitolóxica de dalgún universu paralelu, dalgunos que nun taben mui enteraos pensaben que yera yo.

Acuérdome cuando Ramón quiso poner nel techu’l bar el MUPI del estrenu rocambolescu nel Campoamor d»Uviéu y mangamos una escalera, garramos una grapadora pared y pasámosles putes pa igüalo.

Queríos, nun vamos a esfarraplar na señaldá, solo dicivos qu’esti xueves hai novedaes, y munches, Ángel Miguel (Real Straits) ta conmigo tocando’l dobro, la mandolina y les guitarres acústiques y tenemos repertoriu abondo de tolos discos grabaos nestos años. L’acontecimientu entama a les 20h. pero nós tocamos sobre les 22h.

El «set» entama con «Slalom Special», que ye de les que más-y presten a Ramón, y nun ye pa combayar, ye qu’asina tamos tocándolo y ye una bona casualidá como la que fizo qu’esti cantautor y estos amigos fixeran amistá. Felicidaes pol cumpleaños a la familia Trisquel García.

Dentro de la V edición de Avilés Ciudad Dylanita Hoy 17 de mayo a las 20:00h. en la Sala de Conferencias de la Casa de Cultura, participo en una charla coloquio, previa al concierto, con Alvaro Lozano (Profesor) Pablo Texón (Escritor) y Javier Fernández López (Presidente de Amnistía Internacional Asturias) dylanitas de excepción.

A las 22:30h. el El Plazas (foto arriba) en la Plaza Carbayedo / Galiana, en una de las zonas más interesantes de la ciudad, voy a disparar el cargador de canciones en el primer acto de estos días Dylanitas.

Sara, Hurricane, One more cup of coffee…y otras tantas balas que servirán para evitar la ruleta rusa en tiempos de crisis. ¿Crisis, what crisis? Si, esto era de Supertramp. Un título renovable cada diez años, más o menos. Esta noche la pregunta será ¿Bob Dylan, what Dylan? Ven a buscar las respuestas sin escuchar al viento, escuchando las canciones que por fin entenderás.