Esti finde hai un conciertu nel llugar de Tapia de Casariego, nesti occidente asturianu que tantes vegaes fixo, na mio vida viaxera, de calmante espiritual (o namás que de placebu pal «yo turista»).

Pienso cómo facer esta entrada pero del mio cuerpu sal la emoción en forma elexía. Va tiempu que nun salgo de la ciudá…

«Col frescor de la tierra, d’esa que nun cambia, y’l calor que da’l vivir llende la mar onde la tierra cambia tolos díes, Fredo y Cachistel entamen esti segundu aniversariu del Nordestada.

Cachistel fae d’enlláz y organizador de les coses técniques y otres yerbes; Fredo prepara’l bar pa  cellebrar que pue siguir navegando, que l’aire sopla a favor metanes xunto a la truena.

Garra una semeya que-y apurrió Cachistel, una cartulina prieta y la caxa les pintures. Descarga la foto, imprímela, recorta,  garra la cola, piensa.

L’home que nun cambia taraza le máquines del home que cambia. L’artesanu.»

… y termina’l ramalazu poéticu.

Buenu, esto quier dicir qu’esti domingu tenemos un bon día pa pasar pela villa de Tapia y esfrutar d’esta fiesta d’aniversariu, esperamos qu’ensin nordestada, nel puertu, na cai El Muelle.

Vémonos en Nordestada!

 

 

 

 

 

el club musical rtpa asturias spainEl club musical, programa presentau por Xune Elipe, tuvo el xeitu de dedicame ún de los sos capítulos el pasau día 19 d’agostu de 2013.

Ta disponible pa vese na páxina de la TPA a la carta.

La parte de conciertu foi grabada na Sala Club del Centru Internacional d’Arte Niemeyer n’Avilés. Son 40′ minutos de set acústicu xunto al guitarrista Ángel Miguel en directo. La entrevista grabóse dos díes depués nel afayadizu local de Xixón El Patio de la Favorita.

toli morilla angel miguel el club musical rtpa asturias spain dylan covers & moreEl soníu ye de lo meyor que ficimos nuna TV, gracies al trabayu de Rubén Álvarez, y la realización ya edición foi al cargu de Javi Lueje.

Agradecemos dende equí la oportunidá d’amosar, con bon soníu ya imaxen, parte del repertoriu del últimu discu «Estándar & Probes» y otres canciones nueves inédites.

Portada 12x12 E&P

Déxovos les feches y llugares d’esti TOUR Primavera 2013:
Estas son la fechas y salas de este TOUR Primavera 2013

19 04 ’13 CANGAS DE NARCEA: HAVANA PUB 23H.
21 04 ’13 XIXÓN / GIJÓN: LA VIDA ALEGRE 14H. S. VERMÚ.
03 05 ’13 UVIÉU / OVIEDO: TEATRO CAMPOAMOR 20H. SELMANA LES LLETRES.
23 05 ’13 XIXÓN / GIJÓN: EL PATIO DE LA FAVORITA.

Los díes 19 04 y 23 05 tengo a Ángel Miguel al mio llau cola mandolina, guitarres y dobro. Les otres dos feches 21 04 y 03 05 voi tar solu y acústicu y presento canciones nueves.
Más info en Conciertos.