Toli Morilla y Jesús Ordovás "Ten Bob Dylan Songs in The Asturian Language"

http://bit.ly/7jyVru

Yá a la venta les entraes:

* Café Trisquel
* Llibrería Paradiso
* Cervecería Scourmont
* Sala Acapulco

Bones tardes,

En primer llugar gracies a los Premios de la Crítica de la Radio Televisión Asturiana pola concesión d’esti galardón, qu’ensin duda ye un puxu importante pa la difusión d’esti trabayu. Per otru llau, dicir qu’esti ye un proyectu que nun habría sido posible ensin la collaboración de persones, empreses y organismos públicos como son:

A Jorge Otero, pieza fundamental d’esti rompecabezes na grabación y producción del discu y Alberto Rionda pola so xenerosidá en Bunker Estudios. A Paco Currás, y al so equipo de diseñu gráficu pola concepción y desarrollu del productu. A Tomás Fano, a Ramón Trisquel deseando-y una recuperación total.

A los músicos Pablo Bertrand, Alejandro Blanco, Frank Delgado, Pablo Surja, amás de ya los citaos J. Otero y A. Rionda, a los músicos norteamericanos Kurt Baumer y Tommy Buttler.

A la Oficina Municipal de la Llingua de Xixón.

La Conceyalía de Cultura Tradicional y Llingua Asturiana del Aytu. Xixón.

La Dirección Xeneral de Política Llingüística de la Conseyería de Cultura.

Y a la mio familia por siguir vivos y aguantame.

Prestaríame que premios y trabayos como esti ayudaran a entender meyor la realidá de la nuestra cultura y ficieran suma pa que los estamentos políticos, sociales, económicos y de comunicación, d’anguaño y futuros, faigan un xestu valiente, d’amor, comprensión y unidá pa dignificar d’una vez por toes la situación de la llingua asturiana, fuxendo de la confrontación, la capitalización y de pantasmes del pasau.

Igual que’l patrimoniu cultural asturianu, en otres materies, la llingua ye de tolos asturianos, de los que l’apoyen y de los que non, de los que nacieron equí y de los que tuvieron qu’emigrar p’algamar meyor calidá de vida. La llingua asturiana, como toes,  tien que valir pa facer pontes y non pa construyir muries. Trabayar, lluchar, negociar y convencer, esi ye’l futuru.

Munches gracies.

Duración: 2’

Ye curioso qu’a un discu de versiones y dean esti premiu, habrá que manda-ylu a Bob, él ye l’autor, yo sólo fice les versiones!!

Ya daremos + info.

Gracies por esti reconocimientu.

El so nuevu discu “Diez cantares de Bob Dylan n’asturianu” fai honor al so títulu con diez magnífques versiones n’asturianu autorizaes personalmente por Bob Dylan.

Contién canciones mítiques como “Hurricane”, “Knockin’ On Heaven’s Door” o “Don’t Think Twice It’s All Right” y ayalgues escondíes como “The Man In Me” o “Sara”, arropaes por una gran variedá de músicos y instrumentos, con una producción impecable d’Alberto Rionda y Jorge Otero (Stormy Mondays) y el propiu artista. Un discu pa tolos públicos, que nos permite acercanos a esa parte de la obra de Dylan que siempre resultó más inaccesible: sos lletres.

Amás d’esto tamién vamos a tocar cantares de tolos discos asoleyaos nestos casi 15 años con sorpreses más qu’interesantes.

El preciu les entraes ye de 7€ y pues mercales na taquilla’l teatru, en Tiquexpress y nos caxeros de Caxastur:

http://www.cajastur.es/tiquexpress/espectaculo2361.html

Formación:

• Toli Morilla - Voz, guitarres acústiques, armónica.
• Jorge Otero – Guitarra acústica, eléctrica, resonadora y de 12 cuerdes; mandolina de bluegrass y eléctrica; coros.
• Pablo Bertrand – Pianu acústicu y eléctricu, órganu Hammond, coros.
• Ángel Miguel: Baxu eléctricu, contrabaxu, coros.
• Alejandro Blanco: Batería, percusiones.

2 d’Ochobre / Vienres / Arribada 09 / 22:00h. Cá Beleño. Xixón. Asturies. Sólu y acústicu.

15 d’Ochobre / Xueves / 23:00h La Calleja la Ciega . Uviéu. Asturies. Con banda.

23 d’Ochobre / Vienres / 20:15h Nuevu Teatru La Felguera.Llangréu. Asturies. Con banda.