toli morilla

http://www.elcomerciodigital.com/prensa/20070514/
opinionarticulos/entropia_20070514.html

Esto ye un cachín d’una “crítica” espublizada pol Comercio, atención a les definiciones:

MARIAN PIDAL. 14 de mayu de 2007. Crítica musical. El Comercio.

El ciclo de conciertos ‘Música del siglo XX’ de Cajastur despidió en Oviedo la temporada 2006-2007 con la actuación del cantante y guitarrista Toli Morilla. En compañía de Jorge Otero, Pablo Bertrand, Héctor Braga y Alejandro Blanco, el cantautor asturiano aprovechó la ocasión para presentar una selección de su último cedé, ‘Entropía’; un trabajo que fusiona el folk y el pop-rock acústico. De ‘Entropía’ se escucharon canciones con textos de reconocidos poetas asturianos -’Alquitrán’, ‘Ta en caldia’, ‘A fronteira’ y ‘Vas por agua’- y títulos con letras del propio Toli -’Cuando naide lo ve’ y ‘Leyendes urbanes’. Tampoco faltaron temas de ideario asturianista como ‘Alluma’l to camín’ y el recientemente galardonado con el premio al ‘Meyor Cantar en Llingua Asturiana’ 2007, ‘Azul y gris’.

Equí vien lo gordo:

El recital destapó las vertientes ideológicas y estílisticas que hacen de Toli Morilla un compositor e intérprete que se debate entre el regionalismo de trinchera y el aperturismo en la reserva. Regionalista militante y reivindicativo, abandera la defensa de sentimientos y conciencias asturianistas; aperturista, declara expresiva y entusiásticamente su admiración por el legado musical de Bob Dylan. Dos premisas encontradas pero no excluyentes; dos facetas complementarias e indivisibles. Sus seguidores quedaron satisfechos.

Agora el mio comentariu:

Caún saca les sos propies conclusiones y como se llée nel artículu, algunes tan escrites dende una perspectiva que paez salida de los años 70. Lo peor de too ye que la columnista créese les sos afirmaciones.
Explícome:
Si “Alluma’l to camín” ye un cantar asturianista por falar d’Asturies, “Pongamos que hablo de Madrid” que cantaba Sabina, ye una canción “madrileñista” y “España, camisa blanca” de Victor y Ana ye españolista, quier dicir ello que tovía hai xente que cree que falar de lo propio conlleva asociao dafechu una militancia a ultranza n’alguna estaya nacionalista o independentista ( ya toi cansáu de los “istas”)
Ye más, nes sos propies conclusiones, Marián Pidal, por ciertu, d’apellidu mui ligáu al “asturianismu” del sieglu XIX, cuando nun se nomaba asina, defíneme como “regionalista de trinchera, militante y reivindicativo” nuna clara distorsión de lo que ye un trabayu como “Entropía”, de los textos que lu formen y de les músiques que lu armen. Nun puedo más que dudar que Marián tuviere viendo’l conciertu, paez que-y lu contaron de tercera mano.
Pienso tamién qu’igual nun entiende bien l’asturianu y sólo pol fechu cantar na llingua fae’l xuiciu rápidu ensin decatase de los conteníos.
Per otru lláu, lo de “aperturista en la reserva” ye daqué pa min indescifrable, armando tol razonamientu nesti sen, como ella diz, na mio ponderación cásique mística por Dylan.
Sigue nun diálogu absurdu con ella mesma enfrentando lo que llama “regionalismo”, supongo que se refiere a cantar n’asturianu, con lo que llama “aperturismo” supongo que quier dicir cantar cantares de Dylan en castellán. Anque diz depués: “…pero no excluyentes. Dos facetas complementarias e indivisivles”
Descubrimos la polvora, a estes altures.
Yo nun entiendo nada, ensin acritú,( como se diz agora) tengo que dici-y a Marián que ya fae munchos años que nesti país o ¿tengo que dicir “región” pa axustame a los sos argumentos? Vivimos en contautu col mundu esterior, oyimos y tocamos música de tol mundu y lleemos y escribimos lliteratura universal y amás falamos y escribimos n’asturianu ensin andar peles trincheres nin llanzar soflames nacionaliegues a ultranza. Ensin prexuicios y con normalidá, somos xente qu’escoyemos una llingua pa espresanos y con ella dicimos tolo que queremos dicir ensin cayer en reduccionismos. Nun sé si tien el mio discu, de xuru que non.
D’esta crítica musical echo de menos precisamente eso, que fale daqué de música y non de percecepciones subxetives sobre la mio ideoloxía, militancia, “rexonalismu” o “aperturismu”.
Tamién habría que dicir, siguiendo los sos parámetros musicales (esti ye un palabrón), que tolos artistes que nun canten en llingues mayoritaries y amás falen de coses que pasen nel so mediu natural, país, provincia, rexón, etc. (como ye normal) son “regionalistas”. Por ciertu, la no reconocencia política d’una llingua, como ye’l casu del asturianu ¿fae que tolos qu’usen la llingua pa espresase seyan “regionalistas de trinchera”?
Nesti sen, caminando pela sienda que nos marca l’artículu, cualquiera puede pensar, por definición, que los músicos irlandeses, bretones, sicilianos, corsos, vascos, galegos, catalanes, escoceses, lapones, capadocios, montenegrinos, albano-kosovares, croatas, servo-croatas, macedonios, chipriotas,etc. que usan la so llingua son “regionalistas de trinchera” anque nun conozamos la música que faen, como-y pasa a muncha xente, que pue lleer una crítica nun periodicu ensin haber oyío un res de lo que se fala, que ye de música. Por eso retruco a esta crítica, porque los que nun me conocen de nada van pensar que soi como el Che Guevara reencarnáu en cantautor asturianu. Pero mira, lo de la trinchera, gústame, val más vivir na trinchera sabiendo lo que se fae, que caleyar peles aceres ensin saber lo que se diz..

Salú.

This entry was posted on Martes, Mayo 22nd, 2007 at 12:37 am and is filed under Todo. You can follow any responses to this entry through the RSS 2.0 feed. You can leave a response, or trackback from your own site.