la última oportunidá
soi la carne mestizo de dos valles;
el d’ayeri y el de mañana.
la memoria agonizante de los muertos,
la herencia queda de la to mirada
tengo la responsabilidá del tiempu,
del papel sobre la vida,
del fin que s’avera
soi la to voz futura,
la sangre que clama de la tierra,
el próximu escaezu
soi (pa ti) la última oportunidá de salvanos
y se que güei tengo que siguir el camín que me dexes;
pero pueme’l mieu de quien nun s’atreve a vivir
la hestoria de los otros na so propia hestoria
ana vanessa gutiérrez. la danza de la yedra. 2003