Go on trumpetist!
Preciosu’l conciertu d’ayeri.
Nel Sabil, Villanueva de Santu Adrianu, al llau la senda l’osu.
Perdímonos la lluvia d’estrelles, les llárimes de San Llorienzu, el día antes en Tierra Astur, pero esto ye lo que tien, ya se que ye difícil de entendelo, son coses de trompetista.
Nun solo perdimos les llárimes cósmiques, munches otres coses, nun solo anteayeri, ayeri, mañana, pasáu, de xuru que hay tantes coses que nun llegaré algamar…
Pero ye que soy trompetista y nun pueo facer nada pa cambialo.
Una vegada conocí a un que taba a puntu cerrar un negociu que lu había arruinao y en medio la desesperación dixo derrotáu y xustificando la hecatombe: Ye que yo, soy trompetista.
Díxolo too. Ehí taba’l meollu la cuestión y les sos célules sabíenlo.