Ven guapa…
Quería Vida:
Depués d’estos díes nos que casi atalanto la mio muerte ya’l descubrumientu d’un artista desconocíu, nestos díes onde probé el tastu d’un conventu, onde el ripiu d’asturies faese un rizu rizáu y Melendi ya-y escribió la canción a Fernando Alonso, digo, nestos díes de branu y folixes, de folk, pop, rock, indi, morrison, copla, muyeres qu’enseñen lo más guapo, tropezones estranxeros, paisanos que se-y os cae la baba, nesti ecuador de lluz, empapáu col mugor de les vacaciones d’otros, col deseyu d’alcontrate y reconocete y que tu faigas lo mesmo…esperote esti vienres a les diez de la nueche nel Hotel Madrid.
Tengo reservaes unes habitaciones, a les que pues entrar y salir ensin órdenes establecies, polo que si algames alcontrar daqué prestoso tendrás de quedate y va aprestame como a un guah.e.
Vémonos nel hotel na Plaza Mayor en Xixón. Ven guapa, bueno, más tovía…