D’insomniu ensin pastilles
Ye asina, dende que entamé cola “nueche d’insomniu” parez que va pegandose’l gustu pola vixilia.
Una de les coses más recurrentes ye cuando pienso en lo poco qu’interesa al personal les coses pequeñes. Nun me refiero a les pastilles, que son pequeñes y interesen a muncha xente, nun digo los cotilleos, que son una nimiedá, nun digo la TV que poco a poco cada vegada son más grandones, nun digo’l tamañu, que esi si ye pequñu, nun interesa a naide.
Tampoco pienso en los paxarinos que tan a puntu desaparecer, ni en les hosties qu’ hai tolos díes en tantes cases y llugares ensin que naide lo sienta, nun pienso en los que tienen la boca pequeña porque la vida y-os la cerró de mil maneres.
De xuru que nun voi pensar nesi actor que morrió anteayer, colos bolsillos rotos, nin tampocu en la so fía que piensa que’l padre yera un bala perdía, nin en la so familia que piensen que ya se veía venir que ya se sabe qu’eso nun ye vida…
Paezme que toy perdiendo de vista lo que ye pequeño y lo que ye grande
porque agora toi confundiu como’l mundu, que nun sabe transmitir que ye de verdá lo qu’importa.
Pa mi que tengo que durmir más tiempu, y esti veranu, veranear como los osos n’inviernu.