N’alcordanza de Mánfer
Despedimos a Mánfer de la Llera. L’autor del poema que-y da títulu al espectáculu y al discu que ya conocéis: “Nueche d’insomniu”
El día que cumplía 87 años, cerró ‘l so ciclu vital.
El mio respetu y admiración, al home que supo ver lluz más allá del destín negru ya escuru que-y tocó. El poeta mineru, el mineru poeta.
Tracamundiu
Al mirate a la cara
das tal reflexu
que me veo retratáu
nel to pelleyu.
Y si yes tu quién mira
pa la mio cara
en el reflexu míu
tas retratada.
Y agora nun se sabe
quién ye ún y otru,
pues les cares mecíes
son un manoyu.
Mánfer de la Llera.
Sigues con nós
…Otres nueches en La Casuca nun yeren tan máxiques, nin tan romántiques nin emotives, nin tan aventureres. La lluna nun sangraba, nin siquiera salía, el firmamentu yera linterior duna pota esprés a puntu ferver, escuru, desafiante, temblorosu y yo, igual que Mánfer de la Llera, taba deseosu quella tuviere comigo naquelles nueches dinsomniu.
Mánfer, el poeta-mineru o al revés; porque según me contó años depués, cuando lu conocí, sintió que cada cachu de carbón que-y robaba a la tierra convertíase nun versu que diba faciendol poema de la so esistencia, golpe a golpe, versu a versu, como antes, nun hai tantos años, solo algún más de los años nos que pasó esta hestoria.
La memoria. La memoria vive cola galbana nos museos, embalsamada como los Faraones que reinaron dueños de tolo visible y lo invisible. El tiempu. El tiempu homicida involuntariu de la memoria. Un día. ¿Cuanto ye un día? ¿Cuanto dural tiempu? ¿Cuanto duró la nueche dinsomniu de Mánfer esperando a Carlotina?… (de la narración nel espectáculu “Nueche d’insomniu”)